ДУГУЙЛАН, СЕКЦ, КЛУБИЙН БҮРТГЭЛ (English below)
2024-2025 оны хичээлийн 1-р улиралд буюу 2024 оны 10 дугаар сарын 01-ний өдрөөс 2024 оны 12 дугаар сарын 06-ны өдрийг хүртэлх хугацаанд хичээллэх дугуйлан, секц, клубийн бүртгэлийн мэдээллийг хүргэж байна.
Энэ хичээлийн жилд сургуулийн хэмжээнд 57 төрлийн дугуйлан, секц, клуб хичээллэх бөгөөд дараах дугуйлан, секцэд сурагчид анги нийтээр хамрагдана. Үүнд:
Бүжиг 1-5р анги
СТЕМ 1-5р анги
Шатар 2р анги
Найрал дуу 3р анги
Энгийн хөгжмийн зэмсэг 1,2р анги
Үкүлэлэ 4р анги
Волейбол 6-10р ангиудад хичээллэнэ.
Дээр дурдсанаас бусад дугуйлан, секц, клубийн бүртгэл 2024 оны 09 дүгээр сарын 28-ны өглөө 09 цагт нээгдэж, тухайн өдрийн 15 цагт хаагдана.
Дугуйланд бүртгүүлэхдээ QR кодыг уншуулан, сурагчийн сургуулийн мэйл (example@shineue.edu.mn) хаягаар нэвтрэн, дээр заасан хугацаанд бүртгүүлнэ. Анги бүлгийн хамрагдалтын хүртээмжийг тооцоолон бүлэг тус бүрд дугуйланд хамрагдах сурагчдын тоог тэнцүү хуваарилсан болно. Сурагчдыг бүртгүүлсэн хугацааны дарааллаар сонгоно. Сонирхсон дугуйлангийнхаа тоонд багтаагүй үлдсэн сурагчдыг нөөцөд бүртгэж тухайн дугуйлангаас хүүхэд гарсан тохиолдолд нөхөн оруулах зарчмаар зохион байгуулна. Сурагч 1-р улиралд хамрагдсан дугуйландаа 2-р улиралд дахин хамрагдахгүй бөгөөд шинээр сурагчдыг бүртгэнэ.
