"Хүүхэд бүхэн баярлах эрхтэй" уриан дор 2024.12.02-06 хооронд явагдсан “Santa challenge” хандивын үйл ажиллагаанд манай сургуулийн 1-12р ангийн нийт суралцагчид болон багш, ажилтнууд идэвхтэй хамрагдаж, 2024.12.12нд Сүхбаатар дүүргийн Улаан загалмайн хороонд гардуулж өглөө. Хандивт 2849 ширхэг хичээлийн хэрэгсэл (ном, дэвтэр, өнгийн цаас, харандаа, шугам, цавуу, баллуур, баримлын шавар, хайч, цүнх, пенал, үзүүрлэгч, усан будаг, гуаш, скоч, тооны машин, гортиг, тодруулагч, хичээлийн хэрэгслийн багц), тоглоом 83 ширхэг (хатуу болон зөөлөн тоглоом), хувцас 132 ширхэг (малгай, ороолт, бээлий, гутал, өмд, шорт, цамц пудволка, гутал, оймс) бусад 129 эд зүйлс нийт 3193 ширхэг бэлэг цугларчээ. 11IB ангийн сурагчид CAS хичээлийн хөтөлбөрийн хүрээнд хандивын зүйлсийг ангиудаас цуглуулан, цугларсан эд зүйлсийг ангилж, хүүхэд тус бүрт өгөхөөр 217 бэлгийгбэлтгэж, хүүхдүүдийг баярлуулах сайн үйлсийн ажлыг амжилттай зохион байгууллаа. Хандивын үйл ажиллагаанд оролцсон нийт суралцагч, багш, ажилтнууд болон дэмжин ажилласан эцэг эх, асран хамгаалагч нартаа баярлалаа.
Сайн үйлс бүхэн дэлгэрэх болтугай.
