“ЗҮҮН АЗИЙН ШИЛДЭГ СУДАЛГАА”-ААР ШАЛГАРЛАА.
2024 оны Кембриж хөтөлбөртэй сургуулиудын дунд жил бүр зохион байгуулагддаг Байгалийн шинжлэх ухааны судалгааны ажил бичих уралдаанд (The Cambridge Upper Secondary Science Competition) манай сургуулиас 4 багийн 24 сурагч, 3 багш оролцсоноос “10-17 насны өсвөр үеийн сурагчдын уушгины хөгжилд агаарын бохирдлын үзүүлэх нөлөө” сэдэвт судалгааны ажил дэлхийн 310 багаас шалгарч Зүүн Азийн Шилдэг Судалгааны Баг (The Best in East Asia 2024 award)-ын шагналыг хүртлээ.
Энэхүү уралдаанд оролцсоноор суралцагчдад дараах боломжийг олгодог. Үүнд:
Судалгаа шинжилгээ, дадлага, туршилтын ажлаар дамжуулан шинжлэх ухаанд сонирхолтой, хүсэл тэмүүлэлтэй болох.
Хичээл дээр судалсан байгалийн шинжлэх ухааны мэдлэг, ур чадварыг баяжуулах.
Сурч мэдсэн зүйлээ үе тэнгийнхэн болон олон нийтэд танилцуулах.
Кембриж суралцагчийн шинж чанар болох өөртөө итгэлтэй, хариуцлагатай, шинийг санаачлагч, оролцоотой, өөрийн хийсэн үйлдэл үйл ажиллагааг эргэцүүлэх чадваруудаа хөгжүүлэх.
Амьдралд хэрэгтэй суурь чадварууд болох судалгаа шинжилгээний ажил хийж эргэцүүлэн бодох, хамтран ажиллах, өөрийгөө зөв илэрхийлэн бусадтай харилцаа холбоо тогтоож, бүтээлч сэтгэхүйгээ хөгжүүлэх.
Коллеж, их дээд сургуульд элсэн суралцах, ажлын байранд өрсөлдөх чадвараа нэмэгдүүлэх.
Олон улсын хэмжээнд өрсөлдөх боломжийг олгох зэрэг давуу талуудыг эзэмшинэ.
Багш суралцагчдадаа халуун баяр хүргээд цаашдынх нь сурлага хөдөлмөрт өндрөөс өндөр амжилт хүсье!
Уралдааны талаар дэлгэрэнгүйг дараах албан ёсны эх сурвалжаас үзээрэй.
