Сар шинийн босгон дээр манай сургуулийн математикийн тэнхимийн эрхлэгч, үндэсний сургагч багш Цандэлэгийн НАРМАНДАХ-ыг боловсролын салбарт тасралтгүй 22 жил үр бүтээлтэй ажилласныг төр засаг өндрөөр үнэлж төрийн дээд шагнал "ХӨДӨЛМӨРИЙН ГАВЪЯАНЫ УЛААН ТУГИЙН ОДОН"-оор шагналаа. Тэрээр энэ хугацаанд орчин цагийн цахим боловсролыг түүчээлж "Боловсрол суваг" телевизээр орон даяар 4 жил хичээл заасан юм. Мөн цар тахлын үеүдэд цахим хичээлийг тасралтгүй зааж ирлээ. Нийслэлийн болон Үндэсний сургагч багшаар 20 гаруй жил ажиллах хугацаандаа улс, хотдоо дараах амжилтыг гаргасан байна. Үүнд:
- Бэлтгэсэн шавь нар нь олон улсын математикийн олимпиадаас мөнгө, хошой хүрэл медаль, улс, хотын математикийн олимпиадаас 30 гаруй медаль хүртсэн.
- Математикийн багш нарын мэргэжлийн олимпиадаас хотын хошой аварга, мөнгө, хошой хүрэл медаль хүртсэн.
- Ур чадварын уралдаанд улсад тусгай байр, хотод хошой аварга болсон.
- Сурган хүмүүжүүлэх илтгэлд улсад ДЭД байр, хот, дүүрэгт ТЭРГҮҮН байр эзэлсэн.
Цаашид илүү сайн ажиллаж, ЗАЛУУ ҮЕЭ СУРГАН ХҮМҮҮЖҮҮЛЭХ ажилдаа манлайлж ажиллахыг ерөөж, талархал илэрхийлье.
