Манай сургууль 2022 оны 12 дугаар сард Монголын Улаан загалмай нийгэмлэгтэй (МУЗН) хамтран ажиллах санамж бичигт гарын үсэг зурлаа.
Энэхүү санамж бичиг нь улс эх орныхоо нийгмийн хөгжил дэвшилд хүүхэд, өсвөр үеийнхний оролцоог сайжруулах, тэдний үйл ажиллагааг дэмжих, сайн дурын ажил хийх сонирхолд нөлөөлөх, хүнлэг энэрэнгүй үзлийг төлөвшүүлэх, сурагчдын оролцоо, бодит хувь нэмрийг нийгэмд харуулах зорилготой.
Сурагчид маань сайн дурын ажлуудад хувиараа болон хамт олноороо идэвхтэй оролцсоноор олон улсын хөтөлбөрийн суралцагчийн үүргээ нэр төртэй биелүүлэхээс гадна гадаад дотоодын их дээд сургуульд тэтгэлэгтэй элсэн суралцахад чухал нөлөө үзүүлэх юм.
