2024 оны Сүхбаатар дүүргийн Шилдэг хүүхдэд манай сургуулиас дараах сурагчид нэр дэвшин оролцсоноос бүгд дүүргийн Шилдэг хүүхдээр шалгарсанд халуун баяр хүргэж, цаашдын хичээл сурлагад нь өндрөөс өндөр амжилтыг хүсье.
“Шилдэг Тамирчин” хүүхдээр 5д ангийн сурагч Э.Мөнгөнсор: Уран гимнастикийн 2024 оны 49 дэх удаагийн “Улсын аварга шалгаруулах” тэмцээнд 1р байр, Хонг Конг-т болсон уран гимнастикийн олон улсын тэмцээний “C” ангилалд оролцон “Олсны төрөлд” 1р байр “Цагариганы төрөлд” 1р байр тус тус эзэлсэн.
“Шилдэг Авьяаслаг” хүүхдээр 8а ангийн сурагч Б.Сарнай: Олон улсын залуучуудын хөгжмийн наадамд алтан медаль, New York д болсон Piano Forte олон улсын тэмцээнд мөнгөн медаль;
“Шилдэг Оюунлаг” хүүхдээр 10а ангийн сурагч Б.Тэгшбилэг: "ММO-60" Улсын Математикийн олимпиад хүрэл медаль;
“Шилдэг Бүтээлч” хүүхдээр 10г ангийн сурагч У.Должинсүрэн: Олон улсын Казакстаны “International Avicenna Olympiad in Biology” биологийн олимпиадад тусгай байр, Cambridge Upper Secondary “Science competition”- “Сэлбэ голын усны бохирдлыг биологийн аргаар үнэлэх нь” сэдэвт судалгааны ажлаар 2023 оны Дэлхийн шилдгээр шалгарсан;
“Шилдэг Манлайлагч” хүүхдээр 11ib-2 ангийн сурагч Б.Оюу-Ундрам: Англи сургуулиас зохион байгуулагдсан НҮБ-ийн загвар хуралд (ESMUN) Өмнөд Солонгос улсыг төлөөлөн амжилттай оролцсон, Улаан загалмай болон GerHub сайн дурын ажлуудад оролцсон, Охидын зөвлөлийн гишүүн юм. Шилдэг суралцагчдадаа дахин баяр хүргэе.
